नवी दिल्ली: बुधवारी काठमांडू विमानतळावरून उड्डाण केल्यानंतर काही मिनिटांत उजव्या इंजिनला आग लागल्याने तुर्की एअरलाइन्सच्या विमानाचे कोलकात्यात आपत्कालीन लँडिंग करावे लागले. विमानात 11 क्रू मेंबर्ससह 236 लोक होते. “तुर्किश एअरलाइन्सच्या फ्लाइट क्रमांक ‘THY-727’ ने टेक ऑफच्या चार मिनिटांत उजव्या इंजिनमध्ये आग लागली.

दुपारी 1:28 वाजता (स्थानिक वेळेनुसार) विमानाने उड्डाण केले,” त्रिभुवन आंतरराष्ट्रीय विमानतळाचे महाव्यवस्थापक टेकनाथ सितौला यांनी एएनआयला सांगितले. विमानात 236 प्रवासी होते. कोलकात्याच्या नेताजी सुभाषचंद्र बोस आंतरराष्ट्रीय विमानतळाचे संचालक म्हणाले की, काठमांडूहून इस्तानबुलला जाणाऱ्या तुर्की एअरलाइन्सच्या विमानासाठी पूर्ण आणीबाणी घोषित करण्यात आली होती.

तुर्की एअरलाइन्सचे A330-303 विमान सध्या कोलकाता विमानतळावर असून त्याची तपासणी सुरू आहे. वैमानिकांनी काठमांडूच्या पश्चिमेकडे विमान वळवले आणि उजवे इंजिन बंद केले, विमान सुमारे 10 मिनिटे हवेत सोडले, अधिका-याने सांगितले.

या अहवालानंतर त्रिभुवन आंतरराष्ट्रीय विमानतळ सुमारे 15 मिनिटे बंद ठेवण्यात आले होते.